SAKHA.EDUCATIONОфициальный сайтСетевой город. ОбразованиеМинистерство образования и науки РС(Я)

26/03/2020Баатаҕайга Кыайыы Знамята

Кулун тутар 14 күнүгэр Баатаҕайга "Түмэн" сынньалаҥ киинигэр Улуу Кыайыы 75 үбүлүйдээх сылыгар аналлаах «Кыайыы Знамятын» көрсүһүү 10 ч. саҕаланна. Кулуупка нэһилиэк сэрии кэминээҕи олоҕун көрдөрөр быыстапка тэриллибитэ.
Кыпйыы Знамятын Лөгөй нэһилиэгин дьаһалтатын баһылыга Местников М.В., КЦД директора Прядезников В.Ф., Аал уот түмсүү салайааччыта Бурнашева У.И., оскуола оҕолоро арыаллаан аҕалан Баатаҕай нэһилиэгин баһылыгар М.М. Белолюбскайга туттардылар.
Бу улахан патриотическай хайысхалаах мероприятиеҕа чугас ыаллыы нэһилиэктэр Кыайыы 75 сылынан туох үлэни ыыта сылдьалларын Баатаҕай нэһилиэгин дьоно-сэргэтэ, оскуола, детсад оҕолоро сэҥээрэн иһиттилэр, элбэҕи биллилэр. Сэрии кэмин оҕолорун Белолюбскай П.П., Троева В.И. ахтыыларыттан сэрии аҕалбыт алдьархайын туһунан чуумпуран долгуйан туран иһиттилэр. “Уолан” 7-8 кылаас уолаттара монтаж, “Күнчээн” детсад иитиллээччилэрэ ылбаҕай ырыа, “Тыыннаахтар умнубат сыллара” күргүөмүнэн ырыа ылланна. Харда тылы оскуола үөрэнээччилэрин лидера Корнилова Саргы эттэ.
Улуу Кыайыы Знамятын салгыы Уһун-Күөл нэһилиэгэр туттара арыаллыыр бөлөх айаннаата. Делегация: Белолюбскай М.М., Белолюбскай П.П., Портнягина Л.В., Копырин А.Н., Садовников В.М., Яковлев Проня, Белолюбскай Валера, Корнилова Саргы.
Нэһилиэк хабыллар хаба ортотугар турар "Аргыс" сынньалаҥ киинигэр олохтоох кырдьаҕастар, кэнчээри ыччаттар тоҕуоруһа мустан, өрөгөйдөөх Кыайыы Знамятын иһийэ чуумпуран, долгуйан туран көрүстүлэр. Кыайыы Знамятын икки нэһилиэк баһылыктара рапорт бэрсэн туттарыстылар. Кэлбит дьону-сэргэни эҕэрдэлээн туран, нэһилиэктэрин историятыттан ахтан аастылар. Тыыл ветерана Федора Николаевна Лыткина кэнчээри ыччакка анаан бэйэтин алгыс тылын анаата. Ол кэннэ Прокопий Прокопьевич Белолюбскай Аҕа дойду сэриитин историятыттан иһитиннэрдэ, баҕа санаатын эттэ. 10 кылаас үөрэнээччитэ Саргы тыыл, үлэ ветераннарыгар анаан кэнчээри ыччат аатыттан махтал тылларын тиэртэ. Сэрии иэдээнэ хаһан да хатыламматын туһугар, эйэлээх олоҕу туруулаһан, олохторун толук уурбут буойуттарга сүгүрүйэн Уһун-Күөл орто оскуолатын үөрэнээччилэрэ литературнай дьүһүйүүнү иһитиннэрдилэр. Кинилэр тылларын бигэргэтэн нэһилиэк тэрилтэлэрин үлэһиттэрэ, кырдьаҕастар, үөрэнээччилэр толорууларыгар хор С.Тимофеев тыл, Г.Никифоров мел. "Эйэ, дьол иьин", П.Одорусов тыл., А.Старков мел. "Ветераннар" киһи дууһатын долгутар ырыаны ветераннарга анаан 3 кылаас үөрэнээччилэрин "Тэбэнэт" бөлөҕө ис сүрэхтэн иэйэн туран хору таһаардылар. Көрсүһүү Кыайыы паматынньыгар сибэкки дьөрбөтө ууруунан түмүктэннэ.
ПочтаПозвонитьx
08:30 – 19:40, выходной воскресенье

Телефон/факс

+7 (4116) 12-96-10

Неразрешимых проблем не бывает!

Телефон доверия

8 800 2000 122